 |
| Bersama tim monev USK |
haba keu akhie kawom seulingka
tapujoe allah tuhanku rabbi
saleum keu nabi rasul ambiya
deungo lon kisah bacut lon rawi
di nanggroe kepri kota tarempa
diley away phon mula mulayie
bak akhe januari phon trok haba
meunoe hay teungku dengoe beuget that
nak meuhoe takat oeh neuboh makna
meuseu musafir haba lon surat
keunoe ulon lhat mangat neubaca
dua droe musafir jioh beurangkat
koper geu angkat pee u tarempa
teuma away phon geu ek peusawat
aleuhnyan meulipat duek lam kapai
poh siblah uroe ureung nyan beurangkat
leupah that teulat dari yang biasa
karna lam kapai na nyang seukarat
terpaksa daulat kapai meusigra gisa
poh nam suepot henpon jimeusu
ji meulagu hape lam kama
bagah-bagah lon cok laju
meuheut lon dinge su pak ifwandi nama
teuma di gobnyan pih hana ragu-ragu
geu beritahu ka trok u jemaja
lam suasana karu geutayeng hay cek gu
padup jeum treuk trok u tarempa?
teuma poh 9 kamoe tren laju
meu iku-iku jak u dermaga
maksud hate menyambut tamu
teuma hay teungku kameubalek cerita
aleuhnyan rakan kamoe susol laju
bak ruang tunggu pelabuhan tarempa
ureungnyan ban dua tengoh geupajoh bu
kamoe preh cek gu peu turi nama
diley geubuka ngen cerita lucu
oeh leuh pajoh bu haba geu puta
tabiat lawetnyoe hana jikalen umu
oeh leuh pajoh bu teutap selfi bersama
teuma oeh leuhnyan kamoe intat laju
barang peuduek dikeu peu ek ateuh honda
lewat bank BRI kamoe meulingkeu
jak ba tamu u penginapan sigra
oehleuh nibak nyan tatamong uroe kedua
haba tapeugah peu singkat cerita
kareuna geutanyoe mantong darah muda
leupah that bosan bak haba meubaca
leuh jep kupi langsong laju geuba
di ateuh honda ureung nyan ban dua
maksud tujuan u pelabuhan tarempa
meujak ek sepeed tinjau sikula
sikula yang phon ureung geutuju
langsong di suguh laju ngen ie kelapa
teuma na pake silang ataupun jampu susu
diloen hana meutepeu karna hana ikoet serta
aleuh nibak nyan geu puta u SD luap
mantong saboh darat deungoen SMA
lalu oeh leuh nyan geu ek ateuh cot
ngen sipatu cingklet geujak u SMP mahya
teuma ohleuh nyan lanjot u air asuk
bak sikula buk uun euk ngen rahmi nama
sikula that keren ngen waifi 24 jeum
han toem pre meudieung bak donya maya
Malam kedua kamoe undang bak posko
leuh seumbahyang luhoe kamulai keureuja
teuma ureungnyan kamoe yujak leuh meugreb
mangat beu trep-trep bak curhat ceurita
nyang panggang eungkot nakeuh kepala suku
ngen asisten bantu teungku rijalul nama
bak geupoet asap digobnyan ka biliek
kabeh meu bliek-bliek roe ie mata
teuma nyang maguen nakeuh ibuk-ibuk
dari air asuk dan air nangaa
ditambah lagi dari pulau lidi
na ibuk yuvi dan ibuk nadia
uroe keu tiga kamoe beurangkat
lewat jalan darat kota tarempa
maksud tujuan u genting meurapat
brie nasehat deungoen cerita
siben meudoda diateuh bak pisang
rap bineh jalan dikeu sikula
uroe ka luho kamoe jak pulang
gunci tapasang honda taputa
wate troeh u rintis belok u kiri
jalan blah ret wie tatamong sigra
teuma hay rakan nyan ka taturi
sifamp ngen ozi kaleuh lon cerita
singoh nibaknyan uroe keu empat
kapai hana meupat hanjeut meugisa
ureung nyan ban dua that brat meukarat
nak jeut ek peusawat pe laju u banda
teuma pak azhari na chit geucakap
peu that meukarat balek u banda
pak ifwandi langsong geujawab
get that mekarat hay mak sidara
lalu nibak nyan ohleuh mufakat
kamoe beurangkat manceng bersama
ek ateuh sepeed dalam bot berangkat
lam laot raya manceng mania
diley away phon pak budi ka dikap
eungkot ubeut that kuneng wareuna
lalu oehleuhnyan kamoe pinah teumpat
maksud beu dikap eungkot yang raya
teuma di pak budi raseuki laju-laju
kueweut siku-siku bak tarek kawe
teuma dipak wandi lale tarek sam su
kawe hana meureumpok eu ka abeh mata
uroe keu lima lagi lon rawie
haba phon geubri kabar beurita
sidup na trep ureungnyan menanti
oeh akhe jih buket raya teuka
kapai buket raya dari tanjong pinang
keuneuk berenang keunoe u tarempa
menyoe gata meuheut keu umu panyang
peukong hubungan dalam tali saudara
salah satu jih dengon meukunjong
lage tim monev tren kenoe u tarempa
doa kamoe pih sabe meu suson
keu bandum guree lon yang na di banda
teurimong genaseh kaleuh neukunjong
kaleuh neu tampong curhat cerita
harapan kamoe kepada pengunjong
katroh kali phon beu troh bak kali kedua
 |
| Kunjungan ke kantor UPT Siantan Selatan |
 |
| Mancing Mania |
 |
| Levitation di RSUD Terempa |
 |
| Foto Bersama Guru SMPN 4 GENTING |
 |
| Ziarah Ke makam Almarhun Masril |
 |
| Launch di Laluna |
0 komentar:
Posting Komentar